Ташкентте Women in Tech CCA Awards 2024 сыйлығын табыстау рәсімі өтті. Оған IT саласының жетекші өкілдері, стартап негізін қалаушылар және Қазақстан, Өзбекстан, Грузия, Қырғызстан, Әзірбайжан және басқа елдерден келген новаторлар қатысты.
Сыйлықтың басты мақсаты – технологиялық саладағы әйелдердің жетістіктерін атап өту және олардың бастамаларын қолдау. Жеңімпаздар қатарында көшбасшылық қасиеттерін көрсеткен, инновациялық тәсілдерді қолданған және әлеуметтік жобаларға белсене қатысқандар бар.
BEST ALLY номинациясы бойынша Қазақстаннан келген Wonder Women компаниясының бас директоры Рада Исламова жеңімпаз атанды.
Рада Исламова – әртүрлі елдердегі әйелдерді кәсіби мансабында және бизнесте, соның ішінде IT саласында жүзеге асыруға қолдау көрсететін Wonder Women қауымдастығының негізін қалаушы.
Байқауға 45 үміткер қатысып, оның 9-ы қазылар алқасының шешімімен үздік деп танылды. Әрбір жеңімпаз өз санаты бойынша 14 қарашада Парижде өтетін Women in Tech Global Awards сыйлығының шорт-листіне енді.
Фото: @radaislamova
