Астана Хаб Қазақстандағы алғашқы жасанды интеллект мектебі Tomorrow School-дың екінші ағымына оқуға өтінімдер қабылдауды бастады. Өтінімдер 2024 жылдың 11 қарашасына дейін қабылданады. Бірінші ағымға 2 880 өтінім келіп түсті, оның ішінен 120 адам 4 апталық қарқынды оқудан тұратын «бассейнге» сәтті өтті. «Бассейн» ең үздік студенттерді негізгі бағдарламаға іріктеуге мүмкіндік береді.
«Бассейнге» өткен қатысушылар бағдарламалау әлеміне еніп, әрі қарай оқу мүмкіндіктерін бағалай алады. «Бассейн» аяқталғаннан кейін тек үштен бір бөлігі ғана 18 айға созылатын негізгі оқуды жалғастыра алады. Курс барысында студенттер 50-ден астам жобаны жүзеге асырады және Golang, Rust, JavaScript және Python тілдерін қоса алғанда, 20-дан астам бағдарламалау тілін меңгереді.
Tomorrow School жасанды интеллект саласындағы білімдерін тереңдетуге тамаша мүмкіндік ұсынады. Қатысушылар алдын ала бағдарламалау тәжірибесін қажет етпейтін peer-to-peer жүйесіне негізделген 01 Edu платформасында білім алады. Оқу Астана Хаб технопаркінің кампусында 24/7 икемді кесте бойынша ең жаңа iMac компьютерлерінде өтеді. Студенттер мамандық таңдай алады: AI инженері, бағдарламалық қамтамасыз етуді әзірлеуші, full-stack әзірлеуші және т.б. Басқа қалалардан келген және «бассейнде» жоғары нәтижелерге қол жеткізген студенттер негізгі оқу кезінде Астанада тұруға жеңілдікпен қол жеткізе алады.
Толығырақ ақпарат пен қатысуға өтінім Tomorrow School сайтында қолжетімді.
