«Ұлттық ақпараттық технологиялар» акционерлік қоғамы және Astana IT университеті IT мамандарын даярлау туралы меморандумға қол қойды. Бұл келісім жасанды интеллект, GovTech және ақпараттық қауіпсіздік салаларындағы білікті мамандарды дамытуға ықпал етеді.
Меморандумға қол қою нәтижесінде «Ұлттық ақпараттық технологиялар» АҚ мен AITU ғылыми және практикалық қызметте тәжірибе алмасуды көздейді. Тараптар сондай-ақ жасанды интеллект, GovTech, ақпараттық қауіпсіздік және QazTech салаларында бірлескен микросертификаттау бағдарламаларын әзірлейді.
Меморандумның басты шарты жасанды интеллект, GovTech және ақпараттық қауіпсіздік салаларындағы мамандарды даярлау үшін AITU базасында зертхана құру және ашу болады. Бұл AITU студенттеріне арналған озық технологияларды зерттеуге бағытталған арнайы курстарды әзірлеуге және енгізуге, сондай-ақ университет базасында «Ұлттық ақпараттық технологиялар» АҚ қызметкерлерінің салалық құзыреттерін арттыруға мүмкіндік береді. Келісім аясында «Ұлттық ақпараттық технологиялар» АҚ базасында студенттерді дуалды оқыту да жүзеге асырылады.
Ынтымақтастық сонымен қатар басшылардың біліктілігін арттыру және Қазақстанның IT индустриясында стандарттарды енгізу үшін IT/GovTech саласындағы MBA бағдарламаларын жүзеге асыруға мүмкіндік береді. AITU оқытушыларының тізіміне «Ұлттық ақпараттық технологиялар» АҚ қызметкерлері кіреді.
AITU бұрынғы келісімдер аясында 38 университет пен колледждің студенттеріне өндірістік тәжірибеден өтуге көмектескенін атап өткен жөн. AITU-мен меморандум елдің жетекші IT компаниясының қолданбалы қызметі аясында кәсіби құзыреттерді дамытуға бірегей мүмкіндік береді. AITU студенттері «Ұлттық ақпараттық технологиялар» АҚ тәжірибешілер командасының құрамында нақты кейстермен жұмыс істей отырып, тағылымдамадан өтуге мүмкіндік алады, сондай-ақ одан әрі жұмысқа орналасу мүмкіндігіне ие болады.
